دليل الاستخدام
من أول ما تدخل لوحتك لين يرد مجيد على أول عميل. كل خطوة تاخذ دقايق.
1. اربط قنواتك
من «الربط» في لوحتك: اربط إنستقرام وتيك توك وماسنجر بتسجيل الدخول عندهم، وواتساب للأعمال بالتسجيل المدمج من Meta. وتقدر تضيف أكثر من رقم واتساب وتسمّي كل واحد.
2. علّم مجيد منتجاتك
من «الربط» بعد: اربط متجرك في سلة أو زد، أو حط رابط ملف المنتجات (XML أو CSV) أو Google Sheet. مجيد يقرأ المنتجات والأسعار والكميات ويحدّثها لحاله. وأضف أسئلتك الشائعة وسياسات الشحن والإرجاع.
3. جهّز بوتاتك
من «البوتات»: اكتب تعليمات كل بوت بأسلوب متجرك، واختر مستواه (سريع، أو تلقائي، أو متوازن، أو الأذكى)، ووزّع القنوات عليه. مثلاً بوت مختصر للتعليقات، وبوت يتابع البيع في الخاص. وجرّبه في «محادثة التجربة» قبل ما يرد على أي عميل.
4. حدد دوامك ومتى يحوّل لك
من «الإعدادات»: أوقات الدوام، ورسالة خارج الدوام، والحالات اللي يحوّلها مجيد لفريقك (مثل الإرجاع والشكاوى). ولما يحوّل محادثة، يوقف فيها لين ترجعها له.
5. تابع من «اليوم» و«المحادثات»
«اليوم» يعرض ردود مجيد والمحادثات اللي تنتظرك. وفي «المحادثات» و«واتساب» ترد بنفسك متى ما تبي، ومجيد يقترح لك رد، ويعرض لك طلبات العميل من متجرك.
6. «علّم مجيد»
لما يجيه سؤال ما يلقى جوابه، ما يخمّن: يقول للعميل إن الفريق بيرد، ويحط السؤال في «علّم مجيد». جاوبه مرة وحدة، ويعرفه كل بوتاتك بعدها.
7. الباقة والرصيد
من «الباقة والرصيد» تشوف كم رد باقي، وكم يوم يكفيك تقريباً. وتشحن ردود زيادة أو ترقّي باقتك. وننبهك قبل ما يخلص الرصيد.
8. توقفه متى ما تبي
من «الإعدادات» توقف مجيد في كل القنوات بضغطة، وترجعه بضغطة. وتقدر تستلم أي محادثة وترد بنفسك.